Underhaldning i lunsjen
I dag vart det vist 3 kortfilmar i kinosalen ved Firda Vidaregåande Skule. Siste del av matfriminuttet var det nemleg ope for alle å sjå kortfilmane «Xercise», «Glimt» og «Solstikk» gratis.
I «Xercise» kjem vi rett inn i ein forvirrande situasjon med ein mann som spring ukontrollert i ein bakgate. Vi skjønner etterkvart at han blir styrt, akkurat som i eit dataspel. Filmen er produsert av Geir Grenis.
«Glimt» er produsert av Susanne Falkum Løvik. Vi kjem inn i ein klasseromstime i ein tid der elevane fortsatt kallar lærarinnen for «Frøken». Ein morsom liten film om nokon små luringar på skulebenken.
«Solstikk» var den siste og lengste kortfilmen som vart vist i kinosalen. Ein ung mann har slått seg ned på stranda for å kome nærmare sin eks-kjærast som er badevakt. Mens han ventar på merksemd frå henne, sovnar han under den steikande sola. Han vaknar forvirra og tydelig solbrent. Filmen endar med at eks-kjærasten reddar han ut av den sløvete situasjonen han har havna i og til slutt finn dei tilbake til kvarandre.
